最近在看《The Life-Changing Magic of Not Giving a Fuck》這本書，對我這個天生的fuck-giver來說實在是有莫大共鳴，加上作者也是辭去了全職工作轉做freelancer，她所寫的很多都是我親身的經歷和感受。但要我學懂這種life-changing magic相信還要假以時日，以下整篇文章都是因為我give too many fucks才寫得出來的。
轉做freelancer後這幾年，最令我忍不住give too many fucks的事情當中，其中一樣就是朋友間很多說話都令我感到freelance好像是原罪，字面上他們好像是羨慕你自由自在，但畫外音是：
- 「你梗係唔駛憂唔駛做先可以唔返工做freelancer喇！」
(我想問freelancer做緊嗰D唔係工作咁係咩嚟㗎呢？) - 「返工好辛苦好大壓力架，又要早起身，你做freelancer咁自由又冇壓力又可以瞓到自然醒，唔會明架啦！」
(乜我冇返過工咩？我冇試過早起身呀？freelancer一定唔駛早起身做嘢㗎？咁我凌晨時份趕梗一份剛剛先收到嘅job時你做梗咩呀？我凌晨4,5點先上床瞓覺，11點起床我都係瞓咗六七個鐘啫，係咪瞓得太晏駛唔駛同你道歉？) - 「我上有高堂下要租房，點可以冇咗份工？點同你呀？你一定冇家庭負擔，先可以做freelancer咁他條！」
(我冇老竇老母㗎咩？你邊隻眼見到我冇家庭負擔？駛唔駛每個月畀家用前畀你數一數先？。)
我必須承認，我是個病態的fuck-giver，自小已經對很多人很多事過份及無謂地著緊和介懷，讀書時期如是，出來社會工作後更甚。性格內向、木無表情的我違反天性和宇宙定律，從事公關宣傳工作。我的工作要求我笑臉迎人、面面俱圓、面皮要厚、能屈能伸，但我對很多人和事都無法一笑置之，耿耿於懷是我的專長。
經過了好幾年的搏殺，雖然一切似是上了軌道，職位也算是個manager，但因為工時太長，壓力太大，真的感到吃不消。那時即使週末不用工作，一週工時都起碼有58-60小時吧，一星期最少有一兩晚是OT到凌晨，當然是無補假無補水；若週末要工作，人生就更加充實。
所以我辭職轉做freelancer，不是因為我懶，而是已經「cher」到盡了，也forsee到這個pattern不會改變，實在無法做下去。而最後能鼓起勇氣辭職，很大的推動力是因為我終於儲夠錢去澳洲working holiday兼且快要超齡，非走不可。
其實我從來都不是個魯莽的人，這可不是裸職，一來我已儲了一舊錢，二來是我知道自己已經有足夠的能力、資歷和人脈去轉做freelancer。辭職後我沒有立即飛去澳洲，而是freelance工作了九個月，因為那時實在是有大量工作找上門，有食唔食罪大惡極，梗係做埋先走！而那幾個月的月入，是比打工時高，而工時是比打工時短的。
之後我終於都出發了，在澳洲度過了人生中最快樂最自由的九個月，回來後也很自然地更抗拒返full time，視freelance為終生事業了。不知是甚麼原因，身邊很多人總喜歡問我「有甚麼打算？」「會搵份長工嗎？」「繼續freelance下去嗎？」
其實我本身也不以為意，或者大家很關心我的前景吧？但當我初初轉做freelancer時是那麼好景，我想不到繼續freelance下去有何問題。雖然離開了一段時間，有些client和工作已經流失了，但計過條數仲搵到食呀！加上剛從澳洲回來的一年半載，個心都未定，還是很想再走，頭一年內去了四、五趟旅行，之後就一年大概去兩至三次吧，通常每次都去兩星期，如果不是做freelancer，哪來這種話走就走的自由？
後來我發現，很多人還是會不斷問我同樣的問題，頭幾次我當是講笑，但聽到第十次我已經不想再回答，例如：「你幾時返咗嚟香港㗎？」「其實你一年裏面有幾多時間喺香港？」「你係咪唔駛做㗎喇？」「真係有錢呀，D錢邊度嚟㗎？」；或者講：「你就好喇成日去旅行！」「你就好喇咁自由自在！」「你就好喇freelance可以日日瞓到黃朝百晏！」「你就好喇freelance想幾時放假就幾時放假！」「你就好喇有人養做少奶奶！」…… 下刪一千句「你就好喇」乜乜柒柒……
聽到這些，我是會無名火起，I can’t stop giving a fuck！但聽得太多，我現在要慢慢學習don’t give a fuck以免傷身了。因為隔蘺飯香，有些人就是喜歡跟別人比較，並以自己慘過你為樂。雖然我已經三番四次豁達地說「你睇人好，人睇你好啫」，也三番四次嘗試解釋並婉轉地表達shut the fuck up！但不知道真的是那麼難明，還是有些人總是喜歡passive aggressive地畀說話人哋聽，總是不得要領。
我一年裏面大部分時間都喺香港，而我去旅行的次數其實絕對不比一般人多，我認識不少人去台灣和日本旅行仲密過我出街，而其實我是沒有去過日本的，或者分別就是我寧願去少兩次短線旅行，儲多點錢去遠一點和長一點。但當大家見到我每次去旅行都是長線，去澳洲去歐洲(喂去到咁遠你唔會三日兩夜啩！)，就會覺得我發咗達唔駛做有人養做梗少奶奶。這些說話，聽在一個一直努力工作(而且仲要係收入不合理地偏低的行業)，靠自己，連去旅行都幾乎是跟老公AA制(他訂機票酒店，我負責訂當地各種入場費/火車費及其他當地洗費等等)的人耳中，真係難聽過粗口！
做freelancer也有做freelancer的難處，幾個月前我才跟泰片《戀愛病發》(泰文片名直譯的意思是freelance: do not get sick, do not rest, do not love the doctor)的男主角一樣做到過勞入院。「freelancer的辛酸」我在此處不表，因為我之前要經常同人解釋已經講到口臭，在網上找相關的文章不難，亦証明我一點也沒有誇大，但是我已厭倦了抱怨。
所謂食得鹹魚抵得渴，撈邊行都一樣的了，我不會說freelancer食嗰條鹹魚特別鹹，因為如果我覺得不值得，我就已回去打份長工喇！我相信選擇放棄穩定的長工轉做freelancer的人，以及選擇打一份穩定的長工唔做freelancer的人，都各自衡量過得失、衡量過自己寧願承擔哪一種壓力(例如係返長工要朝朝早起床返工的壓力，定係做freelancer被拖糧兼要好天收埋落雨柴的壓力)等各方面的因素，所以根本就唔存在「你就好喇」之談。(如果你嗰行冇freelance的market，或者只係你自己唔夠資歷唔夠人脈唔夠膽做freelancer就與人無尤喇)
其實每個人的成長、經歷、際遇都不同，別人過著今天的生活，作出當前的選擇，必有因由，你不能抹煞別人在過去和現在付出的努力、勇氣和承擔。Mind your own fucking business，顧好你自己，才去批評別人的人生吧！
Keep Walking On 